Saturday, July 2, 2011

Eco-Tourist Police Nanumpa Sa Lapu-lapu City

Ako nabasahan ang Hunyo 28, 2011 nga isyu sa Sun Star Superbalita Cebu karong buntaga samtang nanglimpyo ko sa amo sala.  Ug nalipay ko sa ako nahebaw-an nga kapin sa 2000 nga mga bata nga nag eskwela sa mga public elementary ug high school sa siyudad sa Lapu-lapu ang nanumpa isip Eco-tourist Police nga andam mo-abag sa pagpanalipod sa environment nato.



Ang Induction and investiture sa School Eco-tourism police gebuhat nedatong ne-aging Sabado nga gipanngulohan ni Mayor Paz Radaza, Atty. Benjamin Cabrido sa Philippine Earth Justice Center Inc., Atty. Jonathan Capanas, dean sa USJR College of Law.  Didto kini gebuhat sa bag-o nga Hoopsdpme sa Barangay Gun-ob sa Lapu-lapu City.


Ang buhaton sa Eco-tourist police kay ang pagtabang sa pag maintain sa kalimpyo sa Lapu-lapu City sama sa pag report sa mga silingan nila nga nagpataka ug labay sa ilang basura ug kadto nagpahemulos sa natural resources nga anaa sa mga beach sa Mactan.


Nalepay ko nga nakahebaw ani nga balita human sa mga sunod sunod nga mga corals nga illegal nga gepanguha sa mga kadagatan sa Mactan.  Henaut unta nga ang mga pulis pud sa Lapu-lapu ug ang mga hamtong o dagko nga mga taw sa Lapu-lapu mutabang pud ni aning pagpakabana ug dili lang ang mga bata.


Henuon dalaygonon kaayo ning gebuhat sa siyudad sa Lapu-lapu ug henaut nga musonod pud ang uban nga mga barangay ug siyudad diri sa Sugbo.


Mabasa ang English nga bersyon niining balita sa Sun-Star Cebu sa ilang website http://www.sunstar.com.ph/cebu/local-news 

No comments:

Post a Comment

Related Posts Plugin for WordPress, Blogger...